Briefwechsel Peter Kolb
| Kurzinformation zum Brief | |
| Autor | Dürr, Johann Simon (1658-1724)[1] |
| Empfänger | Kolb, Peter (1675-1726) |
| Ort | Wunsiedel |
| Datum | 12. September 1694 |
| Signatur | Friedrich-Alexander-Gymnasium/Museen im Alten Schloss Neustadt a.d. Aisch, Nachlass Peter Kolb [CD-ROM], Briefe 28.2 |
| Transkription | Andreas Henkel, Wunsiedel |
Ornatissimo Adolescenti, Petro Kol=
ben, Musarum castra in celebratis=
simo literarum Palladio Norbergen=
si sectanti, Amico meo Suauissimo,
hoc quicquid sit literarum, tradatur.
Bey Herrn Joh. Gräfen
Teutschen Schulmeister auf
den S. Laurentii Platz
abzugeben.
Noribergae.
Pánta kalōs [Alles nach Wunsch!]
Amice & Fili ex Christō
perquàm Dilecte.
Cur commercium literarum hactenus penes te friguerit, neglectumque fuerit, nullam excogitare possum causam, nisi quòd forsan te totum manciparis studiis, nec ullum literis concinnandis tempus reliqueris. Sed turpe est incepisse, & non perrexisse; opus quodvis bonum ad finem est perducendum; brabeum athleta nunquam reportabit, nisi cursum absolverit. Ne in medio igitur deficias, sed propositum prosequere egregium, nec ulla, quae tibi videntur, impedimenta, te à conatibus strenuis avocent. Simul hoc paternum clavis, quod ajunt, trabalibus[2] animo tuo infigas monitum, morum elegantiam[3] studiis addideris, quippe illi viro elogio meo majori asserente & judice accuratissimo, studiorum sive literarum anima sunt[4], quibus Dominorum Superiorum favorem & amorem tibi conciliabis. Initium durissimum, sive potiùs gravissimum excipiet progressus suavissimus, Deus ho ploutōn eis pántas epikalouménous autón [der Überfluss hat für alle, die ihn anrufen, nach Röm. 10.12] de victu & amictu prospiciet tibi, in hoc firmam ardentissimis precibus dià pantòs [unbedingt, unaufhörlich] colloces & defigas fiduciam. adjutor erit tibi praesentissimus, tuamque certissimè sublevabit inopiam. Caeterum abs te peto, ut Librum hunc transmissum, quo Fautor quidam honoratissimus non delectatur, Domino Bibliopolae,[5] & si absens sit, uxori ejus, salute praemissâ, tradas, sub ejus reditum (quem Deus velit esse felicissimum) seligas in ejus locum D. Müllers Biblia parva, mihi data occasione transmittas, pecuniae maxima cum gratiarum actione solutio redeunti Domino Bibliopolae certo futura sequetur, Vale in Domino JESU, ei vias tuas commendans, ipse faciet. Vale ejus tutelâ munitus, tuoque fave
Tui studiosissimo
Raptissimè dabam d. 12. Sept.
Ao. AErae Christianae
MDXCIV.
M. Joh. Simoni Dürrio Sch[olae] Rect[ori]
Fussnoten
- ↑ Zu Johann Simon Dürr siehe die Anmerkung im Brief vom 07.06.1694
- ↑ Trabalibus clavis nach Cic. Verr. 5.53.
- ↑ Möglicherweise eine Anspielung auf Giovanni Della Casas (1503-1556) Galateus sive de morum elegantia [Galateus oder über die Eleganz der Manieren].
- ↑ Das vermutliche Zitat und die Autorität, auf die sich Dürr beruft, konnten nicht ermittelt werden.
- ↑ Es handelt sich vermutlich um den im Brief vom 07.06.1694 genannte Nürnberger Buchhändler Otto.
| voriger Brief Dürr |